Цр(с)твоуѧщꙋ Калоїꙍанꙋ цр͠ю бльгарскꙍ(мꙋ)· братꙋ старааго Асѣнѣ цр͠ѣ· и прѣѧвшꙋ гръчскѫѧ землѧ ѳракъ · македꙍнїѧ · неадѫ и еладѫ · и доше(д)шꙋ дꙍ гра(д) · мегленскааго‚ н прѣемъ то(г) града ꙍбрѣте ракѫ прп(д)обнаго еп(с)кпа Иларїꙍна· и бж(с)твноѧ ревнꙍстїѧ раз(д)ег сѧ· и въсхꙍтѣ прѣнести ст͠го мꙍщи въ свои настолны(и) цр(с)твꙋѧщїи гра(д) тръновъ· єже и повелѣ
сѫщїимь иже по(д) ꙍбластїѧ его·и двигше мꙍщи съ ракоѫ прѣнесѡшѧ ст͠го ѿ гра(д) то(г)·
ꙋслышав же патрїархъ трънꙍва гра(д) и въсеѧ землѧ блъгаръскыѧ пришествїе ст͠го·изыде съ єп(с)кпы и съ вьсѣмь причътꙍ(м) свои(м)· съ болѣры и въсѣмь нарꙍдꙍ(м)· съ свѣщами и кадилꙍмъ‚ и съ всѣкыими бл͠гоѧханныими вонѣми‚ на срѣтенїе ст͠г(о)· и вънесше положишѧ въ
бг͠оспаснѣмь и бг͠охранимѣмь градѣ трьновѣ· м(с)ца ꙍктоврїа· к͠а· дн͠ъ · и минѫвшимь мнꙍгымь
лѣтꙍм и врѣменемь· въспрїемъ цр(с)твїа скиптры·новыи цр͠ъ Іꙍ͠аннъ Асѣнъ·сн͠ъ старааго Асѣнѣ цр͠ѣ· и бы(с) цр(с)твꙋѧ и ꙍбладꙋѧ на(д) блъгары· и гръкы же и фрѫгы· сръбы же и арбанасы· и всѧ грады ѿ мор ѣ и до мор ѣ · изволи сѧ том(ꙋ) цр͠ю Іꙍ͠аноу Асѣню · съзиз(д)ати цр͠ковь въ имѧ
великꙍм(ч)никь и добропобѣдныи(х) ·м͠ · и тако цр͠кви съзиданѣ бывши‚ и ꙋкрашенѣ благолѣпнѣ · вънесена бы(с) рака съ мощми трѣблаженааго ст͠лѣ Иларїꙍнаи положена съ чьстїѧ · подаѧ цѣлбы
вѣроѧ къ немоу прихꙍдѧщи(м) · его же мл͠твами да сп(д)бит ны г͠ъ цр(с)твїю своемꙋ :⁓
Препис в ръкопис от Архива на БАН 73, стишен пролог за септември−февруари от 1368/76, л. 91а–91б