You are here

Беляковски летопис

Ѹкаꙁаніе вь кратце сꙋщи(м) ѿ Адама до нн҃ꙗшнꙗго врѣмене

Адамь роди Сиѳа, Сиѳь Еноса, Енось Каинана, Каинань Малелеила, Малелеиль Ареда, Аредь Еноха, Ехо(х) Матꙋсала, Матꙋса(л) Ламеха, Ламех Ноа.

Ѿ Адама до потопа лѣ(т) ҂в҃мв҃ [2042]. 

Ное роди Сима, Симь Арфаѯада, Арфаѯадь Каинана, Каинань Сала, Саль Евера, Еверь Фалека, Фалекь Рагава.

В д҃ни Фалекови раз(д)елена бы(с) ꙁемлꙗ. При се(м) стльпотворенїе сьтвори се.

По Фалецѣ Рагавь ро(ди) Серꙋха, Серѹ(х) Нахора, Нахорь Ѳара, Ѳарь роди Авⸯрама.

Ѿ Адама до Аврама  лѣ(т)  ҂г҃т҃в҃і [3312].  

Авⸯра(м) ро(ди) Ісака, Ісакь Ꙗкова, Ꙗков Левїа, Левїа Кааѳа, Кааѳь Авⸯрама, Авⸯраа(м) Мѡѵ̈сеа. Съи иꙁве(д) людїи Ісл҃ѥвы ѿ работи фараѡнови. Ѿ потопа до исхода ісл҃ѥва лѣ(т) ҂г҃ф҃оѳ [3579].

Вькꙋпѣ ѿ Адама до Два(д)  ҂д҃у҃о [4470].

Двь(д) ро(ди) Соломона и цр(с)твова  м҃. [40] лѣ(т). Соломо(н) ро(ди) Ровоама и цр(с)твова  м҃. [40]  лѣ(т). Ровоамь цр(с)твова ꙁ҃і. [17]  лѣ(т). Авїа  г҃ [3]  лѣ(т). Аса  м҃ [40]  лѣ(т). Асаваѳь л҃ѳ [39]  лѣ(т). При сѣ(м) пр(о)рчьствова Михеа, Илїа і Елисеи. Ѡара(м) лѣ(т) ѳ [9]. Ѡхоꙁїа лѣ(т)  а҃ [1]. Готолїа, м҃ти Охоꙁїева, лѣ(т) ꙁ҃ [7]. Іѡась лѣ(т) м҃ [40]. Амесїа лѣ(т) к҃ѳ [29]. Аꙁахарі̇а [вместо Ахаꙁарі̇а] н҃ѳ [59]. Іаѳь а҃ [1]. Ахаꙁь ѕ҃і [16]. Еꙁекїа к҃ѳ [29]. Манасїа н҃в [52]. При не(м) сьꙁ(д)а се Виꙁанⸯтїа.

Амо(с) в҃ [2], Іосїе л҃ꙁ [37], Іѡахаꙁь а҃ [1], Іѡакѵ̈(м) д҃і [14]. При се(м) бы(с) плѣнѥнїе Іер(с)лмꙋ ѿ Навьходоносо(р).

Енохїе а҃ [1]. Се(д)кїе д҃і [14]. Сего ослѣпивь Навхо(д)носорь, плѣника вьꙁе(т), и храмь ѡгнѥ(м) попалень бы(с) ѿ Навꙋꙁарⸯдана. Навхо(д)носо(р) к҃д [24]. Оулемарода(х), с҃нь его, е҃ [5]. Валⸯтасарь г҃ [3], Дарїе ꙁ҃і [17], Кѵ̈рь л҃а [31], Исамⸯвїи к҃ѳ [29]. Дарїе Вⸯтори к҃н [28], Алтаѯер(с)ь л҃г [33], Дарїе Трети ѳі [19], Ар҃тьѯерсь Дльгорꙋкы л҃д [34]. Охось к҃а [21], Арисїсѡ(х) в҃ [2], Дарїе Арса(м) ѕ҃ [6]  лѣ(т).

Сего ꙋбывь Алеѯанⸯдрь Макѥдонꙗни(н) и раꙁори Перское цр(с)тво. И цр(с)твова лѣ(т) л҃в [32], покори же варⸯварⸯскые еꙁыки к҃в [22]. И колꙗна елинⸯскаа г҃і [13].   

Вькꙋпѣ ѿ Ада(м) до Алеѯа(н)дра  ц҃ра лѣ(т) ҂е҃р҃пи [5188].

По скончании же сего Іегѵ̈пⸯтѡ(м) и Алеѯа(н)дрїею цр(с)твова Птоломеи Филаделⸯфь, сиречь Братолюбець, л҃ [30]. При не(м) евⸯреискїе сщ҃енїе книгы вь еладьскыи, рекⸯше грь(ч)скы еꙁыкь прѣписаше. Птоломеи Неверге(т) к҃е [25], П(т)оломеии Филопатрь ꙁ҃і [17], Епифань к҃г [23], Филомито(р) л҃е [35], дрꙋгы Еверⸯгеть Фискь ѕ҃і [16], Сидири(т) ѳ [9], Алеѯанⸯдрь г҃ [3], Потоломеи Сотирь и҃ [8], Диѡнисїе к҃и [28], Клеѡпатрь к҃в [22].

Вь третїе лѣто сего прьвее единоначелⸯствова по ꙁаконꙋ Гаѥ Іюль, кесарь. Ѿ нѥго же кесарїи и прочи цр҃їе нарекоше ꙁвати се.

Просигⸯгь д҃ [4].

Кесарь Авⸯгѹ(с) н҃ѕ [66]. Въ е҃і [15] лѣто цр(с)тва его, Клеопатра ѹбывь, прьвѣе ниꙁложи Потоломѣево цр(с)тво, иже цр(с)твоваше лѣта доволⸯнаа.

Ѿ Адама до начела цр(с)тва Авгѹ(с)ва лѣ(т) ҂е҃у҃нꙁ [5457].

Въ м҃г [43] лѣто цр(с)тва Авгѹ(с)ва роди се пльтїю г҃ь на(ш) Іс҃ Хс҃ Ѿ ст҃ые Бц҃е. Кѵринⸯ же сьвѣтѡ(м) велⸯмꙋжы послань бы(с) вь Іѹ(с)дею ѿ писанїе сьтворити именїемь и жителемⸯ.

Ѿ Адама до вьч҃лченїа Хв҃а лѣ(т)  ҂е҃ф҃ [5500].

Тиверїе цр(с)твова лѣ(т) к҃в [22]. Вь е҃і [15] лѣто цр(с)тва его іеѵ(г)льское ѹченїе наче(т) творити г҃ь и вь ѳ҃і [19] постра(д) на(с) ра(ди) волнꙋю стр(с)ть.

Ѿ Адама до гн҃ꙗ вьꙁне(с)нїа  ҂е҃ф҃лг [5533].

Гаїе лѣ(т) д҃. [4]. Клавдїе  д҃і҃. [14]. Неронь д҃і҃ [14]. И побѣже, погрѣбе себѣ жива, прѣложи же се вь вепрь. Оуспасїань і҃  [10]. Вь в҃ [2] лѣто его бы(с) плѣненїе Іер(с)лмꙋ ѿ римлꙗне по м҃в. [42] лѣто г҃а нашего Іѵ(с) Х(с)а вьꙁне(с)нїи.

Тить цр(с)твова г҃. [3] ле(т). Доменⸯтїань е҃і. [15] Нерꙋн а҃ [1], Траꙗнь и҃і [18], Анⸯдрїань к҃е [25], Марⸯко, с҃нь его, ѕ҃і [16], Анⸯѳонїе Ви(р) ꙁ [7], Дїѡклитїань к҃ [20].

Костанⸯтїнь Великы л҃а [31]. При сѣ(м) бы(с) прьвїи сьборь, иже вь Никѥи т҃иі [318] ст҃ыи(х) ѿць, иже проклеше Арїа и проповѣдаше вѣрꙋ непорочⸯнꙋю и православⸯнꙋю. По въꙁⸯне(с)нїа до прьваго сьбора лѣ(т) т҃к [320] и два м(с)ца. Сконча се и си лѣ(т) ѯ҃е [65] Великы Костанⸯти(н). Остави тре(м) сн҃омь цр(с)тво Костѣ и Костанⸯтинꙋ и Костанⸯтїю, иже и цр(с)твоваше лѣта к҃д [24]. 

Іѹлїань прѣстꙋникь двѣ лѣ(т).

Ѳеѡ(д)сїе Великы ѕ҃і [16]  лѣ(т). При немь бы(с) в҃ [2] съборь вь Конⸯстатинѣ градѣ [светых ѡтьць] р҃н [150], иже проклеше Македонїа дх҃оборⸯца и проповѣдаше троицꙋ единосⸯꙋщнꙋю. Ѿ прьвого сьбора до вⸯтораго лѣ(т) ѯ҃ [60].

Аркадїе, с҃нь Ѳеѡ(д)сїевь, д҃ [4].

Ѳеѡ(д)сїе мали м҃в [42]  лѣ(т). При семь бы(с) г҃ [3] съборь вь Ефе(с) ст҃ыи(х) ѿц҃ь с҃ [200] на Несторїа, его(ж) проклеше и проповѣдаше прѣч(с)тѹю дв҃ꙋ бц҃ꙋ. Ѿ вⸯтораго до третїаго сьбора лѣ(т) н҃ [50].

Маркїань ѕ҃ [6] лѣ(т).

При се(м) бы(с) д҃ [4] сьбо(р) и си вь Цр҃иградѣ и вь Халⸯкыдонѣ х҃л [630] на Евⸯтихїа и Дїоскора, ихⸯже проклеше и проповѣдаше на б҃а и сьврьшенⸯна чл҃ка г҃а нашего І(с)у Ха҃. Ѿ третїаго сьбора до четрьтаго лѣ(т) і҃ [10].

Львь Великы и҃і [18].

Иѹстꙗнь ѳ [9].

Дрѹгы Иѹстїанъ г҃і [13]. При немь бы(с) е҃ [5] сьборь вь Цр҃иградѣ ст҃ыи(х) ѿц҃ь рѯ҃е [165] на Оригена и Евагрїа, ихже проклеше ст҃ыи ѡ҃ци. Ѿ четврьтаго до петаго сьбора лѣ(т) р҃ [100].

Маврикїе к҃ [20], Фока и҃ [8], Ираклїа л҃ [30].

Костанⸯтинь сь православнꙋю мт҃ерїю своею Ириною і҃ [10]. При си(х) бы(с) ѕ҃. [6] сьборь и пакы вь Цр҃игра(д) р҃о [170] ст҃ыи(х) ѿц҃ь на Сергїа и Пира, ихⸯже проклеше ст҃ы о҃ци. Ѿ петаго до шестаго сьбора лѣ(т) р҃л [130].

Михаи(л) и м҃ти его к҃е [25] и два м(с)ца. При си(х) бы(с) ꙁ҃ [7] сьбо(р) ст҃ыы(х) ѿц҃ь т҃н [350] и проклеше, иже не покланꙗют се ч(с)тны(м) икона(м). Ѿ шестаго до ꙁ҃ [7] го рк҃в [122] лѣ(т).

Ѿ Ада(м) до Костантина цр҃а лѣ(т)  ҂е҃ѡ҃м҃г [5843].

До Стефана же срьбⸯскаго цра҃ лѣ(т) ҂ѕ҃ѡ҃п҃҃ѕ҃ [6886] [Вь лѣто ѕ҃ѡѯд] инⸯдиктїѡ(н) а҃ [1], сл҃инцꙋ крѹгь к҃д [24], лѹнѣ д҃і. [14] цр҃а Стефана постиже сьмрь(т). И не мала скрьбь бы(с) тог(д)а.

Въ лѣ(т) ҂ѕ҃ѡ҃о҃ѳ҃ [6879] погыбѣ краль Влькашинь и Оуглеша деспо(т).

Въ лѣ(т) ҂ѕ҃ѡ҃п҃в҃ [6882] расипа кне(з) Лаꙁарь Николꙋ жꙋпана.

Въ лѣ(т) ҂ѕ҃ѡ҃п҃ѳ҃ [6889] бы(с) Чрѣповь бои на Дꙋбравⸯнице.

Въ лѣ(т) ҂ѕ҃ѡ҃ч҃г҃ [6893] побѣже Мѹра(т) и ст҃ыи кнеѕь Лаꙁарь ѿ Плочника ис Топлице. И сїе лѣто помрьче м(с)ца гѥнарїа а҃ [1] дн҃ь д҃ [4] ча(с) дн҃е на ст҃го Васїлїа. елико видѣти се ѕвѣꙁ(д)амь нб(с)ны(м), неѡбычⸯнѹю свѣтло(с) испꙋщающи(м), нꙋ огнⸯно видѣнїе и крьваво видно нѣкако на ѹмилѣні̇и, ꙁракы ꙗвлꙗюще и болѣꙁнь покаꙁꙋюще, и крьве(м) иꙁлиті̇е, прѣж(д)е бывⸯши и пакы послѣж(д)е, еже иꙁлі̇аше се ѿ беꙁⸯбожнаго и бг҃ѡ(м) попꙋщенⸯнаго грѣ(х) ра(ди) наши(х) Ісмаилꙗ, ꙗко же иꙁлїаше се на Косовѹ и на Оугровласѣ. И пакы сьꙁымити на рѣцѣ Роситѣ ѹ Никополю и на Косовѣ сь срьблы и начелникѡ(м) ихь, пр(с)но поминаеми(м) и хр҃олюбивимь госпо(д)мь и ст҃ыи(х) кнеѕемь Лаꙁаремъ. Съ ѹгровласи же послѣжде, имⸯже начелⸯникь вѣ Мирⸯча воевода и пакы сьꙁымити, иже начелⸯникь бѣ краль Жигⸯмѹндь. И си вьси побѣж(д)ени быше исмаилиті̇и грѣ(х) ра(ди) наши(х).

Въ лѣ(т) ҂ѕ҃ѡчꙁ [6897] сътвори кн҃ѕь Лаꙁарь бои на Косовꙋ сь нечьстиві̇ими агарані̇и м(с)ца ію(н) е҃і. [15] и Мꙋрата ѹби. И самь ѿ нихь бж(с)твⸯнꙋю прі̇еть конⸯчинꙋ. Тог(д)а бы(с) плачь и рі̇дані̇е велі̇е.

Въ лѣ(т) ѕ҃цг [6903] тѹрци на власи воеваше. Краль Марⸯко и Костанⸯті̇нь ꙁагыбѣ.

Вⸯ лѣ(т) ѕ҃це [6905] тѹрⸯці̇и о Боснѹ ꙁагыбоше.

Въ лѣ(т) ѕ҃цѕ [6906] иꙁⸯгоре Равані̇ца и Ново Брьдо.

Въ лѣ(т) ѕ҃цаі̇ [6911] бы(с) Демировь бои.

Въ лѣ(т) ѕ҃цді̇ [6914] прѣстави се го(с)ж(д)а Евⸯгені̇а.

Въ лѣ(т) ѕ҃цꙁі̇ [6917] бы(с) ꙁла ꙁима. И сі̇е лѣто бы(с) Вльковь плѣнь.

Въ лѣ(т) ѕ҃циі̇ [6918] ꙁаклаше Влька.

Въ лѣ(т) ѕ҃цѳі̇ [6919] Чалапі̇а ѹбі̇ень бы(с). 

Въ лѣ(т) ѕ҃цка [6921] Мꙋсі̇а расипа бльгаре. И ѡ(н) тож(д)е лѣто ꙁаклань бы(с) ѿ Милоша.

Въ лѣ(т) ҂ѕ҃цкѕ [6926] прѣстави се вели(к) воевода ѹгровлахїискы Іѡ Мирⸯча.

Въ лѣ(т) ҂ѕ҃цле [6935] постиже бл҃женⸯнꙋю конⸯчинꙋ бл҃гочьстивїи г(с)нь деспо(т) Стефань іюлїа к҃ [20] на ст҃го Ілїа.

Вь лѣ(т) ҂ѕ҃ц҃ма [6941] помрачи се сл҃нце м(с)ца іюнїа ꙁ҃і [17] д҃нь, вь ѳ҃ [9] ча(с) д҃не вь срѣ(д), и бы(с) мракь на часѣ мноѕѣ, крѹ(г) сл҃нцꙋ к҃е [25], лу(н) ѕ҃ [6].

Въ лѣ(т) ҂ѕ҃цм҃е [6945] прїе Мꙋра(т) Боречь и Раваницꙋ и раꙁⸯби и(х) и прие Сме(д)рево. И тож(д)е лѣто сьтворише бои новобрьгꙗне на Трїполю и сами побѣж(д)енїи быше ѿ агаранѣ(х) грѣ(х) ра(ди) наши(х).

Вь лѣ(т) ҂ѕ҃ц҃м҃ꙁ҃[6947] свеꙁаше Грьгꙋра.

Вь лѣ(т) ҂ѕ҃ц҃ми [6948] ꙁагыбѣ новобрь(д)скаа воискаа но Мькрешꙋ и тож(д)е лѣто деспо(т) иꙁлѣꙁе ѹ Ꙁетѹ.

Въ лѣ(т) ҂ѕ҃цн [6950] ѹбише власи агаране(х) на власѣ(х) м(с)ца се(к) ѕ҃ [6] д҃нь вь нѥ(д)лю. И тож(д)е лѣто свеꙁаше Дракꙋла.

Вь лѣ(т) ѕ҃цн҃в [6952] иꙁлеꙁе краль Владиславь и деспоть Гюрⸯгь на цр҃а Мꙋрата на Ꙁлатицѹ и тож(д)е се лѣто ѹмири сь цр҃емь м(с)ца авгѹ(с) е҃і [15] на Оуспенїе Бц҃и.

Вь лѣ(т) ҂ѕ҃цн҃г [6953] иꙁлеꙁе краль Владиславь и Анкꙋль воевода и бы(с) бои на Варнѣ и ꙁагыбе краль Владислава.

Вь лѣто ҂ѕ҃ц҃н҃ѕ [6956] иꙁлеꙁе Ꙗнⸯкꙋль воевода на цр҃а и бы(с) бои на Косовѹ и раꙁби цр҃ь Ꙗнкꙋла воевода.

Вь лѣ(т) ҂ѕ҃ц҃н҃ѳ҃ [6959] ѹмре цр҃ь Мꙋра(т).

Въ лѣ(т) ҂ѕ҃ц҃ѯ [6960] прїе цр҃ь Мехме(д) Цр҃игра(д) и бы(с) раꙁмирїе меж(д)ꙋ деспото(м) и меж(д)ѹ тѹрⸯцїи.

Вь лѣ(т) ҂ѕ҃цѕѯ [6966] придадет се Сме(д)рево цр҃ꙋ Мехемедꙋ. Въ тож(д)е лѣто прѣдаде се цр҃ква Рѣсава, въ нѥиже лежи(т) бл҃гочьстивїи гс(д)нь деспо(т) Стефань.

Вь лѣ(т) ҂ѕ҃ц҃ѯи҃ [6968] плѣни цр҃ь Мехме(д) Аморею ѿ коне(ц) и до конец, т҃ѯ [360] градове прїе. И прѣдаде се цр҃ь амореискѵ̈и кѵ̈рь Димитриїе и дьщерь свою тог(д)а даде цр҃ꙋ Мехемедꙋ.

Въ лѣ(т) ҂ѕ҃ц҃ѯѳ҃ [6969] ѹфатише белогра(д)скога господара Свилаевича Михаила, Ꙗнⸯкꙋлова шꙋрꙋ, и не мала скрьбь бы(с) тог(д)а.

Въ лѣ(т) ҂ꙁ҃мѕ҃ [7046] побѣди цр҃ь Сꙋлимень Богданⸯскꙋ ꙁемлю [и] Петра воеводѹ. Тог(д)а сьгради гра(д) Натѹль.

Вь лѣ(т) ҂ꙁ҃н҃ѕ [7056] ѡтиде цр҃ь Сꙋлимань на Каꙁалⸯба(ш), ѿведе го ........... Елкаша на бра(т) своего Смаила и паде г(ш). снегь м(с)ца авⸯгѹста.

Вь лѣ(т) ҂ꙁ҃о҃е [7075] ѡтиде цр҃ь Сѹлимань на Сегытварь и тамо ѹмрѣть.

 

Въ лѣ(т) ꙁ҃рг [7103]. ходи Сина(н) паша на Анъ(к) и прими га тож(д)е лѣ(т) и  бы(с) бои вѣли(к). Тож(д)е лѣ(т) ѹмрѣ и царь Мꙋра(т) бѣгь.

Въ лѣ(т) ꙁ҃рл [7130] хѡди сꙋлтань Ѡ(с)мань на лехь. Тѡгда сагради мость на Дꙋнавꙋ.

Въ лѣ(т) ꙁ҃сд [7204] великы снегь бы(с) на вьскре(с)ні̇е.

 

Transcript: 

Беляковския сборник, втора половина на ХVІ в., НБКМ № 309

Transcription: 
Деница Петрова