Разумник

(1) В не(д)лю створи б҃ь н҃бо и ꙁемⸯлю д҃нь и нощь и вⸯса вьселеньньна (sic). вь пон(дл)кь створи сл҃нце и н҃бо и м(с)ць и в҃се нб҃снаꙗ. вь вⸯтр(к)ь раи насади. вь срѣ(д) оустави води вь мероу. вь чтв(к)ь и повеле и створише вьси скоти. и гади и в҃сь пьтици перьнатиѥ. вь пет(к)ь сьтвори б҃ь амамоу (sic). и вь соу(б) д҃шоу б҃ь даде адамоу. и ѡживи ѥго.

(2) оупро(с). ѿ колико чести створи б҃ь адама прьво тело ѥмѹ ѿ ꙁем(л)и. в҃. кость ѥго ѿ камениꙗ. г҃. ѻ҃чии ѥго ѿ море. д҃. оумь ѥго ѿ брьꙁости ан҃глю. е҃. д҃шоу ѥго ветра. ꙅ҃. раꙁоумь ѥго ѿ ѡблакь. ꙁ҃. крьвь ѥго ѿ росоу ѥго сл҃нцоу. с҃лнчьноу.

(3) оупрос(с). на колико честыи раꙁ(д)ел(и) б҃ь адамоу доброти. а҃. честь даде адамꙊ. гостолоубьство. в҃. мощь ѥго даде самьсоноу. г҃. бг҃атьство иѻвоу. д҃. лѣпотоу иѡсифꙊ. кротость ѥго д҃вдоу. ꙅ҃. моудрость ѥго соусоломоуню (sic) .ꙁ҃. косы ѥго даде авѣлоу саломоноу (sic) сн҃оу д҃вдовоу.

(4) оупро(с). колико любеше б҃ь адама. ѿвѣ(т). Колико лоубить ѡ҃ць с҃на своѥго того ради іако. положаа (sic) ѿць с҃на своѥго. тако и г҃ь адама. како жалить ѿць с҃на своѥго ѥг(д)а ꙁоль боудеть.

(5) Оупро(с). Кто седе вьше г҃а адамь ѥг(д)а даде ѥмоу д҃шоу.

 (6) Ꙋпро(с). Ѿкоудоу ꙁаче се ꙁло льжа и клевета и нѣнависть. татьба и силованиѥ. ѥг(д)а оустрѣли ѥго ламехь. тог(д)а р(ч)е мꙊ г҃ь ꙁоль ꙁлѣ да оумрѣть.

(7) Оупро(с). Почто постави г҃ь каина на ме(се)цы. Ѿвѣ(т). да ꙁри вⸯса ꙁлаꙗ на с҃тьь. колико ѿ него ꙁачехоу се и паки да ꙁрить в҃са б҃лгаꙗ ѥлико слишихь.

(8) оупро(с). ламехь ꙗко бе слепь како Ꙋстрели каина. Ѿвѣ(т). вож(д)аше ѥго чль҃кь ѥг(д)а видеше ꙁвере направл(а)ше ѥмоу роукю (!) и ѡнь не грѣшаше. да ꙗко бы(с) гⸯневь б҃жы на каине и хож(д)аше сле[..]ѥго при ногоу кокроꙁе (!) поустинѹ колебаше трьстьь и чл҃вкь направлаше роу(к) ламехоу мнещи ꙁверь ѥ(с). и Ꙋстрели ѥго.

 (9) Оу[..] (повреден текст) Колико лѣ(т) лежаше авель непогрѣбень. ѿвѣ(т). ѳ҃. сь(т) лѣ(т). доньдеже оумрѣ адамь тоу погрѣбе авела при адаме и ѥвь҃угю вь ѥдоме.

 (10) г(д)е седить адамьь. ѿвѣ(т). на прѣстоле висоце. гледающи всакоу д҃шоу проваж(д)ающи сь плачемь грѣшныѥ. а вь праве(д)ныки сь радо(с)тию.

(11) Оупро(с). г(д)е. седить авель с҃нь ѥго. седить сь ѥнохомь пишоуще грѣхи всем чл҃вком. и проваж(д)ающи праведныкы вь раи. а грѣшныкы вь моукоу:

 (12) Оупро(с). вь коѥ време бысть кр҃щениѥ г҃не. ѿвѣ(т). Ег(д)а р(ч)е ѥмю (sic) ѥвьга. г҃и покланаѥмь се да свободить на(с) г҃ь ѿь диꙗвола ѥвьга покаꙗ се вь тигрѣ реце адамь приде на иѡрдань кающи се. и погроуꙁи се вь иѡрьдане реце. и тоу бо се сьбраше ꙁвѣрии и скоты и все пьтице перьнатиѥ и ан҃глы г҃ни. и плакахѹ се х҃оу. г(д)е каѥть се адамь и плаче горько. тог(д)а виде море адамь и побеже ѥрдань вьꙁьврати се вьспеть. того ради вь томь месте кр(с)ты се х(с)ь б҃ь нашь.

(13) оупро(с). коѥ добро имать чл҃вкь. почитаѥ ст҃ыихь. ѿвѣ(т). десетькоуѥть ѥмоу грѣхи иꙁьмолеть ѥго оу х҃а б҃а.

(14) оупро(с). коѥмѹ добро чл҃вкоу иже полагаѥть кь постѹ. ѿвѣ(т). Ег(д)а придеть г҃ь соудити мироу. тог(д)а поⷭстници прѣж(д)е по(д) крило прѣч(с)тою б(д)цоу б(д)цоу (sic) ѡбрѣтаѥтсе.

(15) оупро(с). коимь ѡбраꙁомь приходить ть ан҃гль кь праведникомь на см҃рьть. ѿвѣ(т). Прѣиходихь (sic) ть анг҃ль сь великою радостию и сь мноꙁемь веселиѥмь оукаꙁ(а).

(16) како англь кь грешникомь приходить. ѿвѣ(т). приходить вь страшно львомь ѡбраꙁомь чрьнь ѡгньноꙁрачѣнонь

(17) оупро(с). кою силоу даде б҃ь. чл҃вкоу ѿ анг҃ла. ѿвѣ(т). ѿ брьꙁости англьскоу. оумь чл҃в члв҃чь (sic) ѥ(с). и обраꙁь анг҃льскыи калюгерь ѥсть.

(18) оупро(с). кои пр(о)ркь и м(ч)ники породии. г҃. ѡтрокы анн҃гглю ананию наꙁарию мисаиле.

(19) оупро(с). Кто сьлгавь с҃псе. ѿвѣ(т). Пѣтрь.

(20) оупро(с). кто истиноу р(ч)е и вьпаде. ѿвѣ(т). июда.

(21) оупро(с). ищаше ѥдино радоваше. и ѡбрѣте. г҃. и вьсплака се горько и велико. ѿвѣ(т). Ст҃аꙗ ѥлена искоущи кр(с)ть г҃нь. вѣсельше се и ѡбрѣте .҃г. кр(с)тыи. два раꙁбоинича трѣты жиꙁнидавчь. и вьсплака се вѣрлико (sic) понеиже ꙁна кр(с)та г҃на.

(22) оупро(с). коими трьми тⸯр[...]ии лю(д)мь велико свѣ(т) хранитыі⁖­ ѿвѣ(т). Не бежить попь мⸯлить б҃а. ꙁа ратаꙗ и ꙁа воиника. ратаи [...]ть и хранить попа. и воиника. воинькь блюде п(о)па. и ратаꙗ и тем(и) всеми свѣ(т) стоить⁖

(23) оупро(с) бежить ли англь ѿ телеснаго смрьда⁖ ѿвѣ(т) не бежить ѿ телеснаго смра(д) нь ѿ д҃шевьнаго смрада⁖

 (24) ѿвѣ(т). оупро(с). Ега(д) чл(о)вкь сь чюж(д)ею женою блюдь створить. колико бежить ан҃гль ѿ него: ѿвѣ(т). анⸯгль бежить ѿ него милиꙗ место а ѿ члв҃ка того прибл(и)жающи се кь немю⁖

(25) оупро(с). Ега(д) ѥга(д) (sic) ѥ(с) [...] невѣньчань чл҃вкь що ѥ[...] томꙊ⁖ ѿвѣ(т). колико добра стоиить ни. ѥдиномоу не приѥм(л)еть.

(26) оупро(с). ꙁащо ꙁави(д)ить ан҃глы чл(о)вкомь ѿвѣ(т). ꙁане г҃ь облече се. вь чл(о)вчь ѡбраꙁь.

(27) оупро(с)⁖ ꙁащо боит се ꙁем(л)а⁖ ѥга(д) погрѣбоуть чл҃вка: ѿвѣ(т). ꙗко вь радость беꙁь скрьби ѡ б҃ꙁѣ [...] ра(д)оуѥши се⁖

(28) оупро(с). кои плачове ꙁа Ꙋтехи биваѥть. ѿвѣ(т). ега(д) ѡ б(о)ꙁѣ ми слиши.

(29) ....и вьꙁьметь [...]люгерьство. того ради прѣменитсе ѥмоу име⁖ ѿвѣ(т). Колико вь деле чл҃вце греха створить не помнить ихь. нь кои грѣхь вь ка[...]югерьсть

ствѣ (sic) створить техь ан҃гли пишоуть ѥга(д) оумрѣть чл҃вкь тьи диꙗволь приносить ѥмю бѣлѣ[...]иѥ члв҃чьскыѥ грѣхы. име ѥго писаньно англь гн(д)ь име калоугерьска певаваѥть (sic) инако г҃леть [...] сего чл(о)вка. соуть грѣсии семоу ѥ(с). име ѥдино не сьи ѥсть ѥгоже именоуѥши.

(30) оучитель кои Ꙋчить а самь не дрьжить. ѿвѣ^т. боле ѥмоу не родити се.

(31) оупро(с). аще ѥре(и) беꙁаконно стоить право бо ли ѥ(с)ть того ѡсоуж(д)атии⁖ ѿвѣ(т). не право ѥ(с). того ѡсоуж(д)ати. нь дроуги ѥреи ѥго да ѥго караѥть вь танѣ (sic) аще ли того не послюшаѥть⁖ а [...] прѣ(д) всеми лоудьми. посрами ѥго.

(32) Ꙋпро(с). Аще п(о)пь не оучеть оучити лю(д)і. ѿвѣ(т). Слепьць слепьца вь води ѡба вь пропасть падоутсе⁖

(33) оупро(с). д҃шегюбьца имають ан҃гли сь гн҃евомь и вь ѡг҃нь потапають виюще и гл҃юще почто оуꙁель ѥси д҃шоу кою не си даль.

(34) Ꙋпро(с). Ꙁащо сьтвори б҃ь дрѣвиѥ дивиѥ. ѿвѣ(т). да не скоупить [...] ѡвощиѥ.

(35) оупро(с). Коимь ѡбраꙁомь хоще б҃ь соудити всакомоу мироу⁖ ѿтвѣ(т). ѡбраꙁомь прѣкраснаго иѡсипафа (sic)

(36) оупро(с). коимь ѥꙁикомь хоще б҃ь соудиты всакомоу мироу⁖ ѿвѣ(т). сириꙗньскымь ѥꙁикомь.

(37) оупро(с)⁖ щого ради ѥ(с). повѣликь. все [...]ликь пет(к)ь днемь [...]ираи всехь днѣ и ѿве(т). ѥга(д) распеше г҃а н҃шего і҃с х҃а тог(д)а видѣ сл(с)нце и постоꙗ [...] г(с)а. Тако ж(д)е вь велики пет(к)ь все г҃(д)а стоитоить (sic) .г­҃. ча(с).

(38) оупро(с). Почто на вьстокь кланают се лю(д)ѥ глюще⁖ ѿтвѣ(т). понеже седить б҃ь на вьстоце на сто[...]ле и соудить. мироу.

(39) Ꙋпро(с). ког(д)а ѥсть радо(с)сть. бива(т)ьѥ. чл(о)вкоу ѥга(д) ви(д)ть бра(т) своѥг(о).

(40) оупро(с). почто ꙁовет се ꙗко (sic) бра(т) г҃нь. ѿвѣ(т). Ѥга(д) бы(с) рожь(д)ство г҃а н҃шего іс҃ х҃а. тог(д)а с҃нове иѡсифови ѿьрекоше се г(д)а. и ꙗко вьр(ч)е. се ѥ(с) бра(т) мои с҃нь ѡ҃ца моѥго. аꙁь мою ч(с)ть дома раꙁѣ(д)лю сь нымь. того ради нар(ч)е се бра(т)ь г(д)нь.

(41) оупро(с). Поч(ч)то р(ч)е кь іѡв(н)оу се мати твоꙗ б҃цы р(ч)е се сн҃ь твои. ѿвѣ(т). іѡва(н)ь бе ѥго же х(с)ь. бл҃говещеныѥмь роди се ѿ ст҃аго д҃ха.

(42) що ѥсть. ал(г)лоуꙗ. ѥврѣискихь хвалете г(д)а⁖

(43) оупро(с). що ѥсть ꙁемл҃а пльна води⁖ ѿвѣ(т). ꙗко и тело крьви тако и ꙁемлѣ води.

(44) оупро(с). мороу води камо исходѣть. ѿвѣ(т). вьсакиѥ ꙁвѣрѥ с крьвию хранить се тако и мороу ѥсть вода храна.

(45) Ꙋпро(с). како чл҃вкь да сьхранит се ѿ диꙗвола. ѿвѣ(т). по(с)мь и мл҃твою ѥга(д) спо(с)ть (sic) се чл҃вкь. ди(ꙗ)воль бежить ѿ чл҃вка того.

(46) оупро(с). коѥмоу пр(о)ркоу Ꙋпо(д)би се г҃ь. ѿвѣ(т). пр(о)ркоу иѡнь не бысть вь чрѣ(в) китовѣ .г҃. д҃ни. тако г҃ь нашь і҃с х҃ь. оувѣри мирь кр(с)тыꙗньскыи.

(47) оупро(с). Рьци ми ѡ҃че коѥ ѥ(с) ѥство добро иже вьпрашаѥть. или иже оучить. ѿвѣ(т). Іже оучить то ѥ(с) ꙗко ѡгныло стоудѣно лежить. ѥга(д) оудареи ѥго иѡакимы (sic) попоущаѥть ^скры. и вь немь ѥсть се вь троудь. и вьꙁьгорить аще хощеть и вьсе дрѣвиѥ поже(ж)тьь. аще и ѡгнилоу троудь не боу(д)деть и вьниматые. того ради и боле вьпр(а)шьты нежели оучити.