Тъи ст͠ыи бж͠їи Михаилъ. бѣше вълѣта бл͠гочъстивааго цр͠ѣ Михаила. ѿ гра(д) Потꙋкы. рѡ(д)м сыи блъгаринъ. не нѣкако ѿ нижнии(х). нѫ въсечъстна бл͠говѣрна рода сыи. и пръвѣе ѿ пръворѡ(д)ныи(х) хр(с)тїанъ. его же нарекошѫ рѡ(д)ителїе его и ини мнѡsи ст͠ое дѣтѧ. юн же сыи. иже из младанства своего чисто поживь житїе. и бж͠їи стра(х) прѣ(д) очима имѣѧ. милостыѣми же и пощенїемъ и къ нищїимь рѫкоподателъ и посѣтителъ болѧщїимь. кротѡкъ и смѣренъ. и всѣкыми добродѣтѣлми ꙋкрашенъ. доше(д) възраста к, и, е͠ ,мъ лѣтѡ(м). и по чинꙋ воинскому избранъ примикиръсыи, надъ вои волныими.
You are here
Manuscripts
П
Ть бѣше ѿ Враненскиѥ митрополиѥ сиже ѡставивь ѿчьство своѥ митрополь и вьшьд.
вьсели се вь планинѹ нарицаѥмѹ Козиꙗкь. и многиѥ напасти приѥть ѿ бѣсовь.
и тако б͠лг(д)аре б͠а прѣдасть д͠хь свои б͠ꙋ.
Слышавше б͠лговѣрні хр(с)тиꙗне ѡ ѹспени ѥго и пришьдше, вьзеше мощи ѥго.
и вь име ѥго сьздаше ц͠рковь на рѣцѣ г͠лемѣи Пьшина и положише вь нои мощи с͠тго.
Ѥже твореть ицѣлениꙗ до сего д͠не.
ѿ еѵ(г)лїа, Оуꙁькь поуть въводе(и) въ животь. ѿ ап(с)ла. Не ѡдолеи се ꙁлобою, нъ ѡдолѣи꙼ се блг(с)тїю себѣ. Филимѡ(в), Лоукаваго моужа ины соуть помыслы, ини ре(ч)и, инаа же. раꙁнолична же въса, и противлꙗюще се себѣ. Климѣнтѡ(в). Иꙁмененїе ꙁлобѣ начеткь е(с) на сп҃сенїе. Ниловѡ, Ра(д)уи се ег(д)а добры дѣтели твориши нъ не грьды, ег(д)а ког(д)а потоп лимьни прїимеши. Доудимь, Въсакаа творимаа бл҃г(д)ть соущаство имѣе(т). еже въсег(д)а се творить, а не еже сътворила се е(с).